Арбер Адеми на заеднички работен состанок за Западен Балкан во германскиот Бундестаг
- Претседателот на собраниската Комисија за европски прашања, Арбер Адеми, денеска учествуваше на работен состанок со германскиот пратеник Михаел Рот и колегите од парламентите на земјите од регионот, Албанија, БиХ, Србија и Косово во Германскиот Бундестаг.
Скопје, 26 септември 2023 (МИА) - Претседателот на собраниската Комисија за европски прашања, Арбер Адеми, денеска учествуваше на работен состанок со германскиот пратеник Михаел Рот и колегите од парламентите на земјите од регионот, Албанија, БиХ, Србија и Косово во Германскиот Бундестаг.
Овој тип на настан, како што е наведено во соопштението од собраниската прес-служба, овозможи размена на мислења помеѓу учесниците во однос на процесот на проширувањето на Европската Унија со земјите на Западен Балкан.
-Адеми, изрази особена благодарност за силната повеќедецениска поддршка на Сојузна Република Германија на нашиот евроатлантски интеграциски пат. Исто така, тој посочи дека, покрај стратешките приоритети на надворешната политика - активностите во НАТО и идното членство во ЕУ, Република Северна Македонија придава големо значење на интензивирањето и продлабочувањето на соработката со земјите од Западен Балкан, се наведува во соопштението.
На средбата станало збор за состојбите во земјава и во регионот на Западен Балкан, особено во поглед на евроатлантските интеграции. дма/са/
Фото: Собрание на РСМ