Вашингтон, 9 јуни 2024 (МИА) – Американската војска синоќа соопшти дека ја продолжила испораката на хуманитарна помош за населението на Појасот Газа од привремено пристаниште изградено од САД во близина на брегот на енклавата.

- Околу 10:30 часот по локално време вчера, Централната команда на вооружените сили на Соединетите Американски Држави (CENTCOM) почна да испорачува хуманитарна помош по копно за Газа. Денеска (сабота) вкупно околу 492 тони многу потребната хуманитарна помош беше доставена до населението во Газа, се вели во соопштението на ЦЕНТКОМ објавено на Х.

ЦЕНТКОМ во петокот информира за „успешна“ обнова на привременото пристаниште оштетено на крајот на мај и евентуално продолжување на испораката на помош „во следните неколку дена“.

САД, главниот воен поддржувач на Израел, го изградија ова пристаниште во близина на брегот на Појасот Газа во средината на мај како одговор на строгите ограничувања на Тел Авив за испорака на копнена помош за палестинската енклава, која е уништена од осуммесечната војна.

Според Обединетите нации, речиси сите 2,4 милиони жители на Појасот Газа се раселени поради борбите и бомбардирањата и се соочуваат со несигурност во храната со ризик од масовно гладување. јт/

Фото: Центком