Shkup, 1 prill 2025 (MIA) - Moti sot do të jetë me vranësira të ndryshueshme, me reshje të kohëpaskohshme të shiut dhe me erë të dobët deri mesatare veriore. Pasdite dhe në orët e mbrëmjes do të jetë i jostabil me reshje të rrëmbyeshme dhe bubullimë, lokalisht në formë të stuhisë afatshkurtër me reshje më të mëdha të shiut. Për një kohë të shkurtë pritet të bijnë mbi 15 litra shi në një metër katror. Temperatura minimale do të jetë në interval prej katër deri 10, ndërsa maksimalja do të jetë prej 11 deri 18 gradë.

Siç informon DPHM-ja, në Shkup do të mbajë mot me vranësira të ndryshueshme, me reshje të kohëpaskohshme të shiut dhe me erë të dobët deri mesatare nga veriu. Pasdite dhe në orët e mbrëmjes moti do të jetë jostabil me reshje të rrëmbyeshme të shiut dhe bubullimë, ndërsa në disa pjesë të luginës do të ketë kushte për stuhi me reshje më të mëdha të shiut dhe erë të fuqishme. Temperatura minimale do të ulet deri 10, ndërsa ajo maksimale do të arrijë deri 16 gradë.

Deri të premten do të mbajë mot me vranësira të ndryshueshme dhe me reshje të kohëpaskohshme të shiut. Në orët e pasdites dhe të mbrëmjes do të jetë lokalisht i paqëndrueshëm, me reshje të rrëmbyeshme të shiut dhe bubullima në formë stuhie, me reshje më të mëdha të shiut dhe erë të fuqishme. Të shtunën do të ketë stabilizim të përkohshëm të motit, ndërsa të dielën priten reshje të reja të shiut. rq/bsh/

Foto: arkivi i MIA-s