Ilaçi kundër lisë së majmunit nuk është efikas, virusi po përhapet me shpejtësi
- Ilaçi kundër virusit "Tecovirimat" nuk zvogëlon kohëzgjatjen e lezioneve tek fëmijët dhe të rriturit e infektuar me mpoks të tipit 1 në Republikën Demokratike të Kongos (DR Kongo), zbuluan hulumtuesit nga DR Kongo dhe SHBA-ja.
![Ilaçi kundër lisë së majmunit nuk është efikas, virusi po përhapet me shpejtësi](https://mia.mk/index.php/images/20240819130804_big_730x400_83.webp )
Bruksel, 19 gusht 2024 (MIA) - Ilaçi kundër virusit "Tecovirimat" nuk zvogëlon kohëzgjatjen e lezioneve tek fëmijët dhe të rriturit e infektuar me mpoks të tipit 1 në Republikën Demokratike të Kongos (DR Kongo), zbuluan hulumtuesit nga DR Kongo dhe SHBA-ja.
Tipi 1 përfaqëson një tip më të rrezikshëm në krahasim me atë të llojit 2 i cili shkaktoi epidemi në vitin 2022 dhe shoqërohet me forma më të rënda të sëmundjes dhe shkallë më të lartë të vdekjeve.
Mpoks 1 prek në mënyrë disproporcionale fëmijët gjë që nuk ishte rasti gjatë shpërthimit të vitit 2022 e që bëri OBSH të shpallte emergjencë globale.
"Këto rezultate janë dëshpëruese, por ato na japin informacion kyç dhe ata e theksojnë nevojën për të gjetur kandidatë të tjerë terapeutikë për trajtimin e mpoksit ndërsa ne vazhdojmë me hulumtimet", tha për Politiko, Zhana Maraco, drejtoreshë e Institutit kombëtar për alergji dhe sëmundje ngjitëse (IKASN).
Studimi i mbështetur nga IKASN-ja zbuloi se rastet e vdekjeve mund të shmangen kur pacientët me mpoks trajtohen në spital. Hulumtuesit përfshinë 597 pacientë të hospitalizuar për të paktën 14 ditë. Shkalla e vdekjeve duke përfshirë ata që morën një placebo ishte 1.7 për qind, në krahasim me të paktën 3.6 për qind në mesin e të gjitha rasteve në DR Kongo", thanë ata.
"Kjo tregon se rezultate më të mira tek personat me mpoks mund të arrihen kur ata hospitalizohen dhe u jepet kujdes mbështetës me cilësi të lartë", theksohet në kumtesën e Institutit Kombëtar të Shëndetësisë. rq/
Foto: EPA