Ѓуриќ: Две српски амбасади во Европа добија закани дека ќе бидат цел на терористички напад
- Амбасади на Србија во две големи европски престолнини во изминатите 24 часа добија закани дека ќе бидат цел на терористички напади, изјави министерот за надворешни работи на Србија, Марко Ѓуриќ.
![Ѓуриќ: Две српски амбасади во Европа добија закани дека ќе бидат цел на терористички напад](https://mia.mk/index.php/images/20240820111441_big_730x400_30.webp )
Белград, 20 август 2024 (МИА) – Амбасади на Србија во две големи европски престолнини во изминатите 24 часа добија закани дека ќе бидат цел на терористички напади, изјави министерот за надворешни работи на Србија, Марко Ѓуриќ.
Како што јави Н1, тој додаде дека според првичните информации, тие закани доаѓаат од „екстремни сепаратистички кругови на дел од дијаспората од Косово односно од лица од албанска националност“.
- Во соработка со другите европски безбедносни власти, работиме на спречување и отстранување на тие закани, но ова го споменувам затоа што некој од Приштина со години систематски работи на создавање клима во која е прифатлив напад врз се што е српско, изјави Ѓуриќ за ТВ Пинк.
Тој истакна дека не сака да изнесува детали без консултација со безбедносните органи, бидејќи, како што рече, не сака да ја влоши ситуацијата, но оти може да каже дека утринава се зголемени безбедносните мерки во дел од српските дипломатско-конзуларните претставништва во Европа. јт/