Шпанското здружение на сопственици на весници го тужеше Мета за непочитување на правото на ЕУ
- Шпанското здружение на сопственици на весници АМИ поднесе тужба против калифорниската компанија Мета, сопственик на Фејсбук и Инстаграм, тврдејќи дека компанијата со години го прекршува Европскиот закон за заштита на податоците (ГДПР) и ги користи податоците на граѓаните на ЕУ за рекламирање без нивна согласност.
![Шпанското здружение на сопственици на весници го тужеше Мета за непочитување на правото на ЕУ](https://mia.mk/index.php/images/20231204164934_big_730x400_7.webp )
Мадрид, 4 декември 2023 (МИА) - Шпанското здружение на сопственици на весници АМИ поднесе тужба против калифорниската компанија Мета, сопственик на Фејсбук и Инстаграм, тврдејќи дека компанијата со години го прекршува Европскиот закон за заштита на податоците (ГДПР) и ги користи податоците на граѓаните на ЕУ за рекламирање без нивна согласност.
И Здружението АМИ смета дека Мета на тој начин ги прекршува правилата на конкуренција и бара отштета од 550 милиони евра.
-Мета постојано не го почитуваше законот за заштита на податоците на Европската унија и го игнорираше барањето на европскиот регулатор дека граѓаните мора да дадат согласност за користење на нивните податоци за рекламни цели, се вели во соопштението на АМИ. мс/
фото: МИА архива