Три лица загинаа, едно е тешко повредено во пукање во гимназија во Сански Мост
- Според локални медиуми, човекот влегол со автоматска пушка во училишните простории и отворил оган и притоа ги убил - директорот Нијаз Халиловиќ, професорката по англиски јазик Гордана Миџан и секретарката на училиштето Нисвета Кљуниќ.
![Три лица загинаа, едно е тешко повредено во пукање во гимназија во Сански Мост](https://mia.mk/index.php/images/20240821120324_big_730x400_27.webp )
Сански Мост, 21 август 2024 (МИА) – Tри лица загинаа во пукање во средно училиште во Сански Мост откако вработен во гимназијата пукал во директорот, секретарката и професорка.
Според локални медиуми, човекот влегол со автоматска пушка во училишните простории и отворил оган и притоа ги убил - директорот Нијаз Халиловиќ, професорката по англиски јазик Гордана Миџан и секретарката на училиштето Нисвета Кљуниќ. Телата на убиените се пренесени во Здравствениот дом Сански Мост, полицијата е на местото на злосторството.
Злосторството се случило во зграда што ја делат гимназијата „Сански мост“ и гимназијата „Сански мост“.
Според локалните медиуми , извршителот на злосторството си пукал во главата и е пренесен во тешка состојба болницата во Сански Мост. Пред извесно време против него била поднесена дисциплинска мерка и имал несогласувања со училишното раководство. зш/