Исламабад, 23 мај 2024 (МИА) - Половина од пакистанските ученици нема да одат на училиште една недела бидејќи нацијата презема кризни мерки за да го намали ефектот од серијата топлотни бранови, соопштија денеска властите.

Околу 26 милиони ученици ќе останат без часови од сабота во Пенџаб, најнаселената провинција во Пакистан, која нареди училиштата да се затворат за летниот распуст една недела порано поради високите температури.

Пакистанската метеоролошка канцеларија прогнозираше три топлотни бранови -- еден веќе е во тек, а уште два ќе се појават на почетокот и на крајот на јуни.

Температурите во Пенџаб моментално се шест до осум степени Целзиусови над нормалата, соопшти агенцијата за управување со катастрофи, а главниот град на провинцијата Лахоре треба да достигне 46 степени Целзиусови (111 степени Целзиусови) за време на викендот. мс/

фото: МИА архива