Старо-нови пратеници и кандидатите кои не добија мандат на парламентарните избори
- Парламентарните избори во 2024 година го „зачуваа“ местото на повеќе од досегашните претставници на народот, а дел од нив ќе мора да се збогуваат со парламентот. Според последните резултати од Државната изборна комисија, новиот пратенички состав бележи голем број старо-нови пратеници, а неколку познати имиња се помеѓу оние кои засега ќе се збогуваат со законодавниот дом.
![Старо-нови пратеници и кандидатите кои не добија мандат на парламентарните избори](https://mia.mk/index.php/images/20240510121550_big_730x400_62.webp )
Скопје, 10 мај 2024 (МИА) - Парламентарните избори во 2024 година го „зачуваа“ местото на повеќе од досегашните претставници на народот, а дел од нив ќе мора да се збогуваат со пратеничката функција. Според последните резултати од Државната изборна комисија, новиот пратенички состав бележи голем број старо-нови пратеници, а неколку познати имиња се помеѓу оние кои засега ќе се збогуваат со законодавниот дом.
Анализата на МИА покажува дека пратеник нема да стане вицепремиерот Бојан Маричиќ, а помеѓу оние кои ќе мора да се збогуваат со Собранието се Санела Шкријељ, Арта Билали-Зендели, Маја Морачанин и Атнан Незири.
Најмногу мандати на парламентарните избори кои се одржаа на 8 мај годинава доби Коалицијата „Твоја Македонија“ на ВМРО-ДПМНЕ - 58 мандати. Од нив, најмногу, или вкупно 14 пратеници, доаѓаат од третата изборна единица.
Помеѓу пратениците од ВМРО-ДПМНЕ што наскоро ќе седнат во Собранието на Република Северна Македонија се Христијан Мицкоски, Гордана Кочовска Димитриевска, Синиша Стојановски, Бети Стаменковска, Тони Јаревски, Иван Живковски, Љупчо Пренџов, Марија Митева, Иванка Василевска, Владо Мисајловски, Жаклина Пешевска, Бобан Николовски, Бојан Стојановски, Каролина Насковска, Зоран Коцевски, Бране Петрушевски, Драган Ковачки, Никола Мицевски, Рашела Мизрахи, Игор Здравковски, Благица Ласовска, Миле Лефков, Даниела Христова, Марија Петрушевска, Душко Иванов, Александар Јамалов, Драгана Бојковска, Емил Спасовски, Драгана Арсова, Александар Николоски, Антонијо Милошоски, Ели Панова, Дејан Проданоски, Зоран Јованчев, Ангелинка Петкова, Петар Ристески, Златко Пенков, Моника Ристеска, Јулија Тушева, Жан Дрвошанов, Петар Марков, Билјана Кузмановска, Ѓорѓија Сајкоски, Олга Лозановска, Сашо Донев, Пеце Милевски, Јован Јаулески, Лидија Петковска, Мевмед Џафери, Кире Божиновски, Силвана Ангелевска, Грација Бакрачевска, Дафина Стојаноска, Александар Велјановски и Валентина Марчевска и пратеници од коалицијата.
Повеќе од половина од пратеничкиот состав на ВМРО-ДПМНЕ 2024-2028 е составен од пратеници кои работеле во Собранието и во мандатот 2020-2024 година како што се Василевска, Милошоски, Ковачки, Мисајловски, Николоски, Панова...
Помеѓу пратениците од ВМРО-ДПМНЕ кои не добија мандат се и поранешните пратенички Јадранка Поцкова и Велика Стојкова Серафимовска.
Бојан Маричиќ не доби мандат за пратеник, од собранието си одат и Санела Шкриељ и Маја Морачанин
Помеѓу 18 пратеници од Коалицијата за европска иднина предводена од Социјалдемократскиот сојуз кои на изборите добија 18 мандати ќе бидат претседателот на СДСМ и поранешен премиер, Димитар Ковачевски, Моника Зајкова, Даниела Николова, Оливер Спасовски, Фатмир Битиќи, Сања Лукаревска, Љупчо Николовски, Горан Мисовски, Благој Бочварски, Венко Филипче, Јованка Тренчевска, Миле Талевски, Соња Мираковска, Борче Цветков, Јован Митрески, Бисера Костадиновска-Стојчевска, Митко Трајчулески и Славјанка Петровска. Дел од нив се старо-нови праеници како Мисовски, Николова, Талевски, Мираковска, Митрески и други.
Дел од кандидатите кои не влегоа се и првиот заменик на претседателот на Владата на Република Северна Македонија, задолжен за европски прашања, Бојан Маричиќ, поранешната директорка на Инфективна клиника, Милена Стевановиќ и поранешната претседателка на ДОМ, Маја Морачанин. Не влегоа ниту поранешните пратеници Санела Шкријељ, Мартин Костовски, Даниела Колева, Лолита Ристова и Жаклина Лазаревска, како и ко-носителот на ИЕ6, Агрон Демири.
ДУИ и „Вреди“ со мандати само во Изборните единици 1,2, 5 и 6
Европски фронт на Демократската унија за интеграција на последните парламентарни избори освои 19 мандати, од нив, најмногу од Изборната единица 6, односно девет мандати.
Во ИЕ1 од ДУИ за пратеници влегуваат Блерим Беџети и Илир Хасани, во двојка влегоа Садула Дураки, Скендер Реџепи, Дијана Тоска и Ељми Азири, а во петка Зиадин Села, Муса Џафери, Арбана Пашоли и Исмаил Јахоски. Најмногу пратеници доаѓаат од ИЕ6, односно Али Ахмети, Талат Џафери, Илире Даути, Мендух Таќи, Рина Ајдари, Бејџан Илјас, Илир Демири, Сали Мурати и Фатмире Исаки.
Помеѓу пратениците кои не влегоа се Мерита Мустафаи, поранешна директорка на Биро за метрологија и директорка на АД ЕСМ продажба, Арјанит Хоџа од Европска демократска партија, поранешните пратеници Арта Билали-Зендели и Атнан Незири, како и Емир Сулејмани, директор на Управа за водење матични книги.
Коалицијата од албанскиот опозициски блок „Вреди“ годинава доби 13 мандати во четири изборни единици, најмногу во ИЕ6, односно шест мандати.
Помеѓу кандидатите на „Вреди“ кои ќе станат пратеници се Изет Меџити, Беким Сали, Африм Гаши, Ријад Шаќири, Мерита Колчи - Коџаџику, Салим Сулејмани, Биљал Касами, Беким Ќоку, Мимоза Муса, Халил Снопче, Фатмир Лимани, Саранда Имери-Стафаи и Садик Сулејмани.
Дел од оние кои не добија мандат се Фериде Хаџиу, Зеќирија Таири, Сафије Садики Шаини, Астрит Исени, Ваљбона Адили Емини и Аднан Азизи.
Левица и ЗНАМ добија по шест мандати
Во пратеничката група на Левица годинава има четири нови пратеници, кои ќе се придружат на досегашните Димитар Апасиев и Борислав Крмов. Новите пратеници се Реџеп Исмаил, Амар Мециновиќ, Сашко Јанчев и Јована Мојсоска.
Помеѓу кандидатите кои не влегоа се Катерина Јовановска, Александар Симонов, Горан Велевски и Игор Димески.
Движењето ЗНАМ – За наша Македонија, исто како и Левица, на последните избори освои шест мандати. Помеѓу кандидатите кои освоија мандати за претеници се Бобан Карапејовски, Даниел Стојчевски, Даниела Белимова, Павле Арсоски, Миле Цеков и Весна Бендевска.
Дел од кандидатите кои не освоија мандат се Јасмин Циривири, Ненад Стојановски, Суад Мехмед, Емил Јанески, Александар Веслиевски и Небојша Захариески.
Останатите партии и коалиции кои учествуваа на изборите имаат под еден процент гласови. ар/ац/
Фото: МИА архива