Снег на Ѓавато, сообраќајот се одвива по влажни коловози
- Сообраќајот на државните патишта се одвива непречено, по наместа влажни коловози. Врнежи од снег има на планинскиот премин Ѓавато, но во моментов не преставуваат пречка за одвивање на сообраќајот.
![Снег на Ѓавато, сообраќајот се одвива по влажни коловози](https://mia.mk/index.php/images/20230316073237_big_730x400_16.webp )
Скопје, 16 март 2023 (МИА) - Сообраќајот на државните патишта се одвива непречено, по наместа влажни коловози. Врнежи од снег има на планинскиот премин Ѓавато, но во моментов не преставуваат пречка за одвивање на сообраќајот.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. ев/
МИА Фото: Архива