Скопје, 23 ноември 2023 (МИА) - Основниот суд во Кратово работи само со двајца судии, од кои еден ја извршува функцијата претседател. Нема заостанати предмети и е без застој во решавањето на предметите, а судииите се преоптоварени, реферираше членот на Судскиот совет и координатор за овој суд, Весна Дамева, на денешната седница на Судскиот совет на која се разгледуваше извештајот за работа на овој суд.

Таа побара да се зголеми бројот на вработените во овој суд, односно да да се одобрат нови вработувања, како и да се направат напори за набавка на службено возило, бидејќи покрај со такси, судиите се превезувале и со возила на странките.

Советот едногласно го усвои Извештајот за работата на Основниот суд во Кратово и донесе заклучок да се закаже средба со Агенцијата за одземен имот за да се побараат возила за кратовскиот, но и за други судови кои немат возила.

Со мнозинство гласови Советот донесе одуки да им престанат фукциите на судиите Станка Везенковска и Сулејман Мемети. Управниот суд поништил одлуки на Судскиот совет со кои им бил продолжен мандатот до јуни.

За другите точки од дневниот ред за утврдување на фактичка состојба, Советот донесе одлука да се исклучи јавноста. рт/ев/

Фото: МИА Архива