СДСМ: Ново мафијашко убиство во Скопје, Тошковски да си даде оставка
- СООПШТЕНИЕ - За неполни 24 часа се случија две мафијашки пресметки во Скопје, медиумите пренесуваат дека едно лице е убиено утрово на паркингот кај Мавровка, а во синоќешното пукање во Сингелиќ има повредени.
![СДСМ: Ново мафијашко убиство во Скопје, Тошковски да си даде оставка](https://mia.mk/index.php/images/20240820112026_big_730x400_65.webp )
20 август 2024
За неполни 24 часа се случија две мафијашки пресметки во Скопје, медиумите пренесуваат дека едно лице е убиено утрово на паркингот кај Мавровка, а во синоќешното пукање во Сингелиќ има повредени.
Граѓаните се вознемирени и се чуствуваат небезбедно. Ваквите пресметки стануваат секојдневие бидејќи МВР и Тошковски не успеваат да ги најдат сторителите и да ги расчистуваат случаите.
За потсетување, во мандатот на Тошковски имаше три убиства и три обиди за убиства а разрешница имаше само за еден случај. Неспособноста на власта на Мицкоски Македонија ја претвори во Див Запад.
Криминалните банди буквално хараат, криминалците бегаат од затворите кои се како хотел Промаја, а граѓаните стравуваат за својата безбедност.
Нема скандал во изминатите 3 месеци а да не е поврзан со Тошковски и МВР.
Тошковски е најнеспособниот министер за внатрешни работи и веднаш треба да си даде оставка.
СДСМ
_______________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
Скопје, 20 август 2024
СДСМ