Скопје, 15 февруари 2025

Демократската Унија за Интеграција изразува длабока загриженост и најостро го осудува апсењето на граѓанинот на Република Косово, г. Емин Бајрами, на 14.02.2025 година, на граничниот премин Блаце - Елез Хан, врз основа на потерница издадена од Србија преку Интерпол.

Ова е уште еден неприфатлив случај на имплементација на налози за апсење измислени од Србија од страна на Министерството за внатрешни работи на Северна Македонија, кои продолжуваат да работат без никаква  верификација загрозувајќи ги правата и слободите на косовските граѓани. Уште позагрижувачки е прикривањето на овoј случај од јавноста  повеќе од 10 часа, акција која само ги зголемува сомнежите за вистинските намери на овие мерки.

ДУИ беше и останува цврсто на својот став дека налозите за апсење издадени од Србија преку Интерпол не треба слепо да се спроведуваат. 

Бараме итно и безусловно ослободување на г. Бајрами и ја повикуваме Владата на Северна Македонија итно да ја преиспита практиката на извршување на српските потерници. Не можеме да дозволиме нашата држава да стане алатка на политиките на Белград, на штета на албанците.

Демократската Унија за Интеграција

Фото: МИА архива

__________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.