Пелистер го совлада Работнички, ќе игра со МЗТ за титулата
- Кошаркарите на Пелистер остварија победа против Работнички со 88:80 на домашен терен и со 3:1 ја затворија полуфиналната плеј-оф серија во Првата македонска лига
![Пелистер го совлада Работнички, ќе игра со МЗТ за титулата](https://mia.mk/index.php/images/20240515203804_big_730x400_31.webp )
Битола, 15 мај 2024 (МИА) - Кошаркарите на Пелистер остварија победа против Работнички со 88:80 на домашен терен и со 3:1 ја затворија полуфиналната плеј-оф серија во Првата македонска лига.
Домаќините постојано водеа во натпреварот, одржуваа солидна предност и на крајот заслужено го добија мечот пред домашна публика.
Планиниќ беше најефикасен во составот на Пелистер со 23 поени и 13 скокови, додека Декози постигна 18 поени, пет скокови и две асистенции за Работнички.
Битолчаните по оваа победа ќе се соочат со МЗТ Скопје за трофејот во нашата најсилна кошаркарска лига. дс
Фото: КК Пелистер