Паднаа перките на познатата ветерница над клубот „Мулен руж" во Париз
- Откршен е и дел од натписот, поточно буквите „MOU“ (од „Moulin Rouge"). Засега не е позната причината за откршувањето и нема опасност од нова несреќа.
![Паднаа перките на познатата ветерница над клубот „Мулен руж](https://mia.mk/index.php/images/20240425110933_big_730x400_22.webp )
Париз, 25 април 2024 (МИА) - Перките на црвената кула-ветерница над кабаре-клубот „Мулен руж“ во Париз, паднале на земја сабајлево, меѓу два и три часот по полноќ. Во настанот нема повредени, пишуваат француските медиуми.
Притоа, откршен е и дел од натписот, поточно буквите „MOU“ (од „Moulin Rouge"). Засега не е позната причината за откршувањето и нема опасност од нова несреќа, соопштија надлежните служби.
Според известувањето на „Мулен руж“, првпат се случува вакво нешто откако познатиот клуб е отворен од 6 октомври 1889 година. Единствената посериозна несреќа во можеби најпознатиот кабаре-клуб во Франција, е пожар при работа што се случил во 1915., по што „Мулен руж“ подолго време бил затворен. си/
Фото: ЕПА