Охридски комуналец го чисти крајбрежјето на Охридското Езеро
- Поголеми количини тешко разградлив комунален отпад, трска и дива вегетација исчистиле екипите на јавното претпријатие „Охридски комуналец“ од повеќе локации на крајбрежјето на Охридското Езер
![Охридски комуналец го чисти крајбрежјето на Охридското Езеро](https://mia.mk/index.php/images/20221112164750_big_730x400_73.webp )
Охрид, 5 април 2022 (МИА) – Поголеми количини тешко разградлив комунален отпад, трска и дива вегетација исчистиле екипите на јавното претпријатие „Охридски комуналец“ од повеќе локации на крајбрежјето на Охридското Езеро.
- На крајот од градскиот кеј, во близина на Холандскиот парк, се интервенираше со специјална механизација за расчистување муљ, трска и друг вид отпад од езерските води, соопштија од претпријатието.
Согласно програмата на „Охридски Комуналец“, за вонредни активности во делот на чистење на реки и речни корита, денеска се чисти речното корито на реката Сушица во делот на улица „Прилепска” каде била поставена заштитна преграда за превенирање и стопирање комуналниот и пластичен отпад да не заврши во Охридското Езеро.
- Со специјална механизација беа подигнати поголеми количини на тешко разградлив отпад и пластична амбалажа и беше депониран на депонијата Буково, информираа од ЈП „Охридски комуналец“.
Екипи на претпријатието го исчистиле и отпадот во месноста Црногорци и улицара „Кленоец“ (Касарна), каде од несовесните граѓани бил депониран и расфрлан комунален и кабаст отпад. сс/цр
![thumbnail_kej-1](/articles/images/%d0%be%d1%85%d1%80%d0%b8%d0%b4%d1%81%d0%ba%d0%b8-%d0%ba%d0%be%d0%bc%d1/GmIMPLJNC/placeholder.webp?use_watermark=0)
![thumbnail_kasarna-1536x864](/articles/images/%d0%be%d1%85%d1%80%d0%b8%d0%b4%d1%81%d0%ba%d0%b8-%d0%ba%d0%be%d0%bc%d1/vHlIRxvwG/placeholder.webp?use_watermark=0)