Скопје, 27 септември 2024 

Советот на Општина Ѓорче Петров изгласа отпочнување на постапка за измена и дополнување на ДУП за Градска четврт СЗ 15, Блок СЗ 15.03 за обезбедување локација за нова катна гаража.

Катната гаража за паркирање на возила ќе биде лоцирана непросредно до Реонскиот центар, на место кое сега се користи како паркинг, и ќе обезбеди повеќе паркинг места. На ова место, Градоначалникот на Општина Ѓорче Петров предлага бришење на маркица А2, односно домување во станбени згради со цел пренамена во локација за изградба на катна гаража.

По години недостиг на паркинг-простор во Реонскиот центар, конечно се преземаат конкретни чекори за решавање на овој проблем кој го отежнуваше секојдневното сообраќање во централно Ѓорче Петров.

Ова е само дел од напорите на локалната самоуправа за подобрување на условите за живот и инфраструктура во Општина Ѓорче Петров и во главниот град.

Општина Ѓорче Петров 

___________________________________________________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

Фото: Општина Ѓорче Петров