Нов Зеланд: Болнички инструмент со големина на чинија „по грешка“ заборавен во телото на родилка
- Предметот наречен „Алексис вовлекувач“ бил оставен во стомакот на жената откако се породила во Градската болница во Оукленд во 2020 година.
![Нов Зеланд: Болнички инструмент со големина на чинија „по грешка“ заборавен во телото на родилка](https://mia.mk/index.php/images/20230904130445_big_730x400_7.webp )
Оукленд, 4 септември 2023 (МИА) - Жена од Нов Зеланд имала стомачни болки 18 месеци по царски рез, сѐ додека скен не открил оперативен инструмент, „по грешка“ оставен во нејзиното тело. Предметот наречен „Алексис вовлекувач“ е со големина на чинија.
„Алексис“ бил оставен во стомакот на жената откако се породила во Градската болница во Оукленд во 2020 година. Комесарот за здравје и попреченост на Нов Зеланд, Мораг Мекдауел утврди дека болницата го прекршила Правилникот за правата на пациентите.
Д-р Мајк Шеферд, директор за операции на установата во Оукленд, се извини за грешката и уверува дека веќе се работи на спроведување на препораките на надлежните. си/
Фото: Јутјуб.