Нагелсман: Извонредно е што има голема конкуренција во Баерн
- Тренерот на Баерн, Јулијан Нагелсман како многу позитивна ја оцени конкуренцијата во тимот.
![Нагелсман: Извонредно е што има голема конкуренција во Баерн](https://mia.mk/index.php/images/20221113212720_big_730x400_99.webp )
Минхен, 4 септември 2022 (МИА) - Тренерот на Баерн, Јулијан Нагелсман како многу позитивна ја оцени конкуренцијата во тимот.
- Пред почетокот на сезоната решивме да има сериозна конкуренција во Баерн. Би било чудно да имаме поинакво мислење. Мислам дека тоа е важно за секој клуб. Во меѓувреме, сè оди доволно добро. Штом има многу кандидати за место во првиот состав, тогаш нормално е секој да го дава максимумот на тренинзи и на натпревари за да се избори за позицијата „стартер“, изјави Нагелсман.
Предводникот на Баварците не е загрижен поради тоа што неговиот тим игра променливо во почетните кола од новата бундеслигашка сезона.
Вчера Баерн одигра 1:1 на гостувањето кај Унион Берлин.
По пет кола во Бундеслигата, Баерн има освоено 11 бодови и се наоѓа на третото место. Водат Фрајбург и Борусија Дортмунд со по 12 бода. зс/