Мбапе неизвесен за Олимпијадата во Париз
- Напаѓачот на Пари Сен Жермен, Килијан Мбапе може да ги пропушти Олимписките игри во Париз годинава, пишува весникот „Екип“.
![Мбапе неизвесен за Олимпијадата во Париз](https://mia.mk/index.php/images/20240314125952_big_730x400_5.webp )
Париз, 14 март 2024 (МИА) - Напаѓачот на Пари Сен Жермен, Килијан Мбапе може да ги пропушти Олимписките игри во Париз годинава, пишува весникот „Екип“.
Според изворот, Французинот има напорен распоред, што претставува пречка. Од 14 јуни до 14 јули напаѓачот ќе игра за француската репрезентација на Европското првенство во Германија.
Олимписките игри ќе започнат на 26 јули и ќе траат до 11 август.
Во исто време, според „ЕСПН“, еден од условите за трансфер на играчот во Реал Мадрид на лето е отсуството на забрана за учество на Олимписките игри.
Двесет и пет годишниот Мбапе одигра 36 натпревари оваа сезона, постигнувајќи 35 гола и 7 асистенции.
Ѕвездата на францускиот фудбал му соопштил на раководството на ПСЖ дека ќе си замине на крајот од сезоната 2023/24. Неговиот договор со клубот истекува на лето. дс
Фото: Архива