Манчестер јунајтед е подготвен да му плати на Реал Мадрид 230 милиони евра за Винисиус
- Манчестер јунајтед е заинтересиран за потписот на фудбалерот на Реал Мадрид, Винисиус Жуниор.
![Манчестер јунајтед е подготвен да му плати на Реал Мадрид 230 милиони евра за Винисиус](https://mia.mk/index.php/images/20240723114629_big_730x400_12.webp )
Манчестер, 23 јули 2024 (МИА) - Манчестер јунајтед е заинтересиран за потписот на фудбалерот на Реал Мадрид, Винисиус Жуниор.
Како што објави „Defensa Central“ раководството на тимот од „Олд Трафорд“ е подготвено да плати 230 милиони евра за 24-годишниот Бразилец.
На самиот играч му е понуден петгодишен договор со плата од 200 милиони евра годишно. Забележано е дека фудбалерот не е заинтересиран да го напушти Реал Мадрид.
Винисиус игра за Реал Мадрид од 2018 година. Минатата сезона напаѓачот одигра 39 натпревари, постигна 24 гола и 11 асистенции. зс/
Фото: ЕПА