Битола, 16 февруари 2024 (МИА) - Во првиот полуфинален натпревар од Купот „Благоја Георгиевски – Буштур“, кошаркарите на МЗТ Скопје Аеродром го совладаа градскиот ривал Работнички со 81:76 (43:38) и се пласираа во финалето, 17-то за нив откако постои клубот.

„Штрковите“ на тој начин ќе имаат можност да дојдат до својата 12-та титула во ова натпреварување.

Тимот од Аеродром ќе го чека подобриот од дуелот помеѓу Еуро Никел и Пелистер кој е закажан за 19,30 часот.

Мечот беше неизвесен во најголемиот тек, МЗТ Скопје цело време водеше, Работнички се доближуваше, но сепак завршницата му припадна на шампионот за конечна победа.

Војдан Стојановски беше најдобар на теренот со 18 поени, осум асистенции, 4 скока, 6 украдени топки. Кај поразените Трис запиша 20 поени.дс

Фото: МИА