Пекинг, 18 февруари 2025 (МИА) - Кина ги поздравува напорите за решавање на кризата во Украина, вклучително и разговорите меѓу САД и Русија, и се надева дека сите засегнати страни ќе имаат можност да учествуваат во мировните преговори кои претстојат, изјави портпаролот на кинеското Министерство за надворешни работи Гуо Џиакун.

Кина отсекогаш верувала дека дијалогот и преговорите се единствениот сигурен начин за решавање на кризата и е посветена на промовирање мировни преговори, рече Гуо на прес-конференција.

Тој ги даде своите коментари како одговор на прашање поврзано со средбата меѓу руските и американските претставници во Ријад, Саудиска Арабија, која се одржа без учество на Украина. рп/

Фото: МИА архива