Изгласана промена на форматот на Лигата на шампионите
- Членовите на Извршниот комитет на УЕФА едногласно гласаа за промена на форматот на Лигата на шампионите, објави денес „Дојче веле“.
![Изгласана промена на форматот на Лигата на шампионите](https://mia.mk/index.php/images/20221107020405_big_730x400_82.webp )
Нион, 19 април 2021 (МИА) - Членовите на Извршниот комитет на УЕФА едногласно гласаа за промена на форматот на Лигата на шампионите, објави денес „Дојче веле“.
Според изворот, почнувајќи од сезоната 2024/25, на турнирот ќе учествуваат 36 екипи, четири повеќе од сегашните 32.
Новиот формат предвидува една лига наместо поделба во групи. За време на турнирот, секоја од екипите ќе одигра минимум 10 натпревари. Осумте најдобри ќе се натпреваруваат за трофејот во плејоф формат.
Претходно, медиумите објавија дека членовите на Извршниот комитет на УЕФА, покрај зголемувањето на бројот на учесници, разговараат и за прашањето за обезбедување вајлд карти на некои клубови, што ќе им овозможи да играат во Лигата на шампионите без да ги исполнуваат условите.
Овој формат на турнирот, според УЕФА, треба да ги зголеми приходите на клубовите и профитот за организаторите. зс/