Ивановски бележи најдобар ранг на АТП листата
- Најдобриот македонски тенисер Калин Ивановски забележа скок од 30 места на најновата АТП ранг листа објавена денес. Деветнаесетгодишниот Ивановски сега е на 306. место што е негов најдобар рејтинг во кариерата.
![Ивановски бележи најдобар ранг на АТП листата](https://mia.mk/index.php/images/20230807103328_big_730x400_58.webp )
Лондон, 7 август 2023 (МИА) - Најдобриот македонски тенисер Калин Ивановски забележа скок од 30 места на најновата АТП ранг листа објавена денес. Деветнаесетгодишниот Ивановски сега е на 306. место што е негов најдобар рејтинг во кариерата.
Од останатите македонски тенисери, Горазд Србљак е на 1.130. место (две места пад), додека Обрад Марковски е на 1.220-ти со напредок од пет позиции.
На врвот на АТП листата е Карлос Алкараз, пред Новак Ѓоковиќ, а во топ 10 се уште и Данил Медведев, Стефанос Циципас, Каспер Руд, Холгер Руне, Андреј Рубљев, Јаник Синер, Тејлор Фриц и Френсис Тиафо. зс/