Софија, 17 октомври 2023 (МИА/БТА) - Во бугарската државната агенција „Архив“ (ДАА) ќе биде претставена изложба посветена на 120-годишнината од избувнувањето на Илинденското Преображенско востание. Изложба „Крвавото лето 1903. Илинден-Преображение-Крастовден“ ќе биде поставена денеска во изложбениот салон „Архив“, велат бугарските организатори.

Ова е веста на денот од Република Бугарија, избрана на Бугарската телеграфска агенција (БТА) за објавување од МИА, согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат директно избрана од другата агенција вест на денот на соодветната земја, а другата агенција да ја објави на својот интернет сајт без промени со изрично посочување и цитирање на партнерот како извор.

Изложбата ги опфаќа темите на основачите на Внатрешната организација и Врховниот комитет, учесниците на Солунскиот конгрес во јануари 1903 година, востанието во Македонија - Битолскиот и Ресенскиот востанички регион, Крушевската Република, востанието во Костурско , во Прилеп, Кичево, Охрид и Дебар, во Кукушко, Гевгелиско и Тиквешко, во Струмичко, во Скопско и Велешко, во Кратовско и Кочанско, во Штипско. Биле следени и подоцнежните востанички дејствија во Странџанско и Одринско, во Горноџумајско и Разлошко, како и востанието во Серски регион, пренесува ДАА.

Документарната изложба „Крваво лето 1903. Илинден-Преображение-Крастовден“ го покажува и широкиот одзив што Илинденско-Преображението востание го предизвика во странство - во светската заедница, владите и поединците. Речиси сите европски весници имаа постојани или дневни колумни за следење на текот на востанието и храброста на неговите учесници, како и суровоста и репресијата на отоманските власти при неговото задушување, соопшти Државната агенција „Архив“.

Организаторите додаваат дека изложбата ќе биде придружена и со изложени оригинални документи и фотографии од овој херојски и трагичен период од напата историја. Во него се вклучени вредни архивски документи од фондовите на Централниот државен архив, Државниот воен историски архив - Велико Трново, Државниот архив - Благоевград, Државниот архив - Бургас, Државниот архив - Варна, Државниот архив - Ќустендил, Државниот архив - Пазарџик, Државниот архив - Смолјан и други архиви во земјава.

Од ДАА прецизираат дека изложбата е дел од Националниот план за одбележување на 120-годишнината од избувнувањето на Илинденско-Преображенското востание. Финансиран е од Министерството за култура.

фото: лого БТА 

Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА