Дончиќ влезе во Топ 10 по остварени трипл-дабл во НБА
- Најдобриот кошаркар на Далас маверикс, Лука Дончиќ имаше трипл-дабл остварување ноќеска на средбата со Орландо меџик. Словенечкиот репрезентативец мечот го заврши со 34 поени, 12 скока и 11 а
![Дончиќ влезе во Топ 10 по остварени трипл-дабл во НБА](https://mia.mk/index.php/images/20221112040311_big_730x400_35.webp )
Далас, 31 јануари 2022 (МИА) – Најдобриот кошаркар на Далас маверикс, Лука Дончиќ имаше трипл-дабл остварување ноќеска на средбата со Орландо меџик. Словенечкиот репрезентативец мечот го заврши со 34 поени, 12 скока и 11 асистенции.
За Дончиќ ова е 43-ти трипл-дабл во кариерата израмнувајќи се со Фет Левер на 10.место на вечната листа во НБА-лигата.
Најблиску до 22-годишниот Дончиќ е Лери Бирд со 59, а од активните кошаркари, Џејмс Харден со 67 и Никола Јокиќ со 69 и трипл-дабл постигнување.
На врвот е Расел Вестбрук со 193 натпревари на кои имал двоцифрени бројки во три статистички категории, Леброн Џејмс има 102. зс/