Делегација на Општина Берово во посета на Струмјани, Р.Бугарија
- Делегација на Општина Берово е во дводневна работна посета на Општина Струмјани, Република Бугарија. Во рамки на првиот ден од средбата, остварена е работна средба помеѓу градоначалникот на Берово, Звонко Пекевски и неговата делегација составена од членови на Советот со градоначалникот на Општина Струмјани, Емил Илиев и претставници на Советот на Општина Струмјани.
Берово, 15 март 2024 (МИА) - Делегација на Општина Берово е во дводневна работна посета на Општина Струмјани, Република Бугарија. Во рамки на првиот ден од средбата, остварена е работна средба помеѓу градоначалникот на Берово, Звонко Пекевски и неговата делегација составена од членови на Советот со градоначалникот на Општина Струмјани, Емил Илиев и претставници на Советот на Општина Струмјани.
Работната средба, како што информираа од Општина Берово, се реализира на покана на општина Струмјани, а целта на средбата е продлабочување на долгогодишните добри партнерски односи и споделување на добри практики во управувањето на општините
Во рамки на првиот ден од средбата делегациите разговараа за продлабочување на соработката помеѓу двете општини и заеднички работа на развојот и унапредување на општествените процеси.
Двете општини, долги години се во партнерска соработка и преку добри практики, го унапрeдуваат животот на граѓаните на општините , реализирајќи проекти кои се од витално значење за граѓаните од двете страни на границата. вс/цр
Фото: МИА