Водата за пиење во Скопје безбедна и квалитетна
- Водата за пиење во Скопје е безбедна и квалитетна, покажува најновиот неделен лабораториски извештај на ЈП Водовод и канализација.
![Водата за пиење во Скопје безбедна и квалитетна](https://mia.mk/index.php/images/20230320092427_big_730x400_82.webp )
Скопје, 20 март 2023 (МИА) - Водата за пиење во Скопје е безбедна и квалитетна, покажува најновиот неделен лабораториски извештај на ЈП Водовод и канализација.
-Секторот за санитарна контрола во периодот од 13.03.2023 до 17.03.2023 зема 186 примероци за физичко-хемиска и 186 примероци за микробиолошка анализа на вода за пиење од 42 мерни места во Градот Скопје. Согласно добиените резултати од испитувањата, сите примероци одговараат на Правилникот за барања за безбедност и квалитет на водата за пиење, наведува ЈП Водовод и канализација. мч/aa/