Лас Вегас, 23 ноември 2024 (МИА) - Макс Верстапен призна дека е изненаден од фактот дека ќе стартува пред неговиот единствен преостанат ривал во трката за титулата во Формула 1 во 2024 година, Ландо Норис, на утрешната ГН на Лас Вегас.

-Се обидовме да дадеме најдобро што можеме. Се обидовме со многу различни работи за да ја најдеме вистинската насока. Мислам дека ја најдовме, но очигледно тоа не беше доволно за да се бориме за пол-позицијата. Сепак, јас сум среќен. Ние сме пред Мекларен, што е изненадување, но јас сум прилично задоволен од тоа како поминаа квалификациите и моите кругови, порача Холанѓанецот.

Двајцата ќе го делат третиот ред, а за Верстапен трката во „Градот на гревот“ ќе му обезбеди и прв „меч поен“. За да го реализира би требало да загуби не повеќе од два бода од Норис, но самиот изјави дека во овој момент тешко е да се каже дали тоа ќе биде возможно. дс

Фото: Архива