Бајден официјално соопшти дека се кандидира за реизбор за претседател на САД
- Со најавата на кандидатурата во форма на триминутно видео кое започнува со еден збор: „слобода“ - официјално почна кампањата за реизбор на Бајден.
![Бајден официјално соопшти дека се кандидира за реизбор за претседател на САД](https://mia.mk/index.php/images/20230425124124_big_730x400_67.webp )
Вашингтон, 25 април 2023 (МИА) - Актуелниот американски претседател Џо Бајден денеска објави дека ќе се кандидира за претседателските избори во 2024 година.
Со најавата на кандидатурата во форма на триминутно видео кое започнува со еден збор: „слобода“ - официјално почна кампањата за реизбор на Бајден.
Every generation has a moment where they have had to stand up for democracy. To stand up for their fundamental freedoms. I believe this is ours.
— Joe Biden (@JoeBiden) April 25, 2023
That’s why I’m running for reelection as President of the United States. Join us. Let’s finish the job. https://t.co/V9Mzpw8Sqy pic.twitter.com/Y4NXR6B8ly
Видеото ги поврзува сликите од немирите на 6 јануари во Капитол со протестите поради одлуката на Врховниот суд за поништување на правата за абортус.
Бајден тврди дека правата на абортусот, одбраната на демократијата, избирачките права и мрежата на социјална заштита ќе бидат меѓу најважните прашања на изборите во 2024 година.
„Секоја генерација Американци се соочи со момент кога мораше да ја брани демократијата, да се залага за личните слободи и да се залага за гласачките права и граѓанските права. Ова е нашиот момент“, истакна Бајден.
Тој го претстави и слоганот за изборите во 2024 година, кој гласи: „Да ја завршиме работата“. ссм/
фото: joebiden.com