Ал Хилал му нуди на Меси договор вреден 400 милиони евра годишно
- Саудиски Ал Хилал испратил официјална понуда за договор до напаѓачот на Пари Сен-Жермен, Лионел Меси, објави новинарот Фабрицио Романо.
![Ал Хилал му нуди на Меси договор вреден 400 милиони евра годишно](https://mia.mk/index.php/images/20230405083809_big_730x400_17.webp )
Ријад, 5 април 2023 (МИА) - Саудиски Ал Хилал испратил официјална понуда за договор до напаѓачот на Пари Сен-Жермен, Лионел Меси, објави новинарот Фабрицио Романо.
Според Романо, платата на 35-годишниот Аргентинец во саудискиот клуб ќе биде 400 милиони евра годишно.
Меси е во ПСЖ од летото 2021 година. Неговиот договор со парижаните е до јуни 2023 година. Порталот „Трансфермаркт“ ја проценува вредноста на фудбалерот на 45 милиони евра.
Во тековната сезона Меси одигра 33 натпревари за ПСЖ, постигна 18 голови и 17 асистенции. зс/
Фото: ЕПА