Киев, 3 декември 2025 (МИА) - Украина го погоди рускиот нафтовод Дружба во рускиот централен Тамбовски регион, изјави извор во украинската воена разузнавачка служба ГУР.

Ова е петти украински напад врз нафтовод што испорачува руска нафта во Унгарија и Словачка.

Гувернерот на регионот, Евгениј Первишов, претходно изјави дека украинскиот напад предизвикал пожар во складиште за нафта откако го погодил дрон.

„Пожарникарите и службениците за спроведување на законот брзо пристигнале на местото на настанот. Распоредени се сите потребни средства и ресурси“, напиша Первишов на Телеграм.

Руското Министерство за одбрана соопшти дека системите за воздушна одбрана пресретнале и уништиле 102 украински дронови над руска територија во текот на ноќта. Според Министерството, 26 дронови биле уништени над Белгородскиот регион, 22 над Брјанскиот, 21 над Курскиот и 16 над Ростовскиот. Седум дронови биле неутрализирани и во Астраханскиот регион, шест во Саратовскиот и четири во Воронежкиот регион. мс/сд/

фото: МИА архива