Софија, 22 јануари 2025 - Научно-истражувачкиот брод „Св. Кирил и Методиј (НИК 421) се наоѓа во заливот Емона, дел од јужниот залив на островот Ливингстон, пред бугарската антарктичка база „Св.Климент Охридски“. Денеска ќе се изврши уредување и засилување на материјалниот дел, кој вчера беше натоварен од базата и стандардно секојдневно одржување на трупот на бродот, изјави за БТА капетан Радко Муевски, командант на бродот.

Ова е веста, која денеска ја избра МИА од сервисот на Бугарската телеграфска агенција (БТА), согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат по една вест, која ќе ја објават на својот интернет сајт без промени со изрично посочување и цитирање на партнерот како извор.

Орнитологот Бојан Мичев и новинарката Милена Островска ќе се симнат на копното на теренска работа.

Научно-истражувачкиот брод „Св. Кирил и Методиј“ (НИК 421) отплови од Варна на својата трета експедиција на Антарктикот на 7 ноември 2024 година и по речиси два месеца пловење, стигна до островот Ливингстон на 28 декември. Бугарската антарктичка база „Свети Климент Охридски“ беше отворена за новата поларна сезона на 23 ноември 2024 година.

БТА има национален прес-клуб на бродот и трета година по ред испраќа дописник на Антарктикот. Материјалите на дописничката на БТА Милена Островска се слободно достапни во специјалниот тематски дел на бугарски и англиски јазик # Бугарија - Антарктик и можат слободно да ги користат сите медиуми со повикување на БТА.

Во јуни 2023 година, БТА објави издание на списанието ЛИК „До Антарктикот и назад под бугарското знаме“ на бугарски и англиски јазик. Во мај 2024 година, БТА објави издание на списанието ЛИК посветено на бугарската наука на Антарктикот, кое е слободно достапно во електронски формат. Бројот е преведен на англиски и шпански.

Во февруари минатата година, БТА отвори Национален прес-клуб во бугарската антарктичка база „Св. Климент Охридски“ на островот Ливингстон. Прес-клубовите постојат благодарение на бесплатната поддршка на бугарскиот истражувачки брод „Свети Кирил и Методиј“ и бугарската база „Св. Климент Охридски“ со обезбедените простории, кои се додаваат на останатите 40 национални прес-клубови (33 во Бугарија, 6 надвор од државата - во соседните земји и во земји со големи бугарски заедници и еден мобилен Национален прес-клуб за книги).

Така, националната новинска агенција на Бугарија придонесува за презентација на бугарската наука на Антарктикот и ја исполнува својата мисија за промоција на Бугарија.

Ова е веста, која денеска ја избра МИА од сервисот на Бугарската телеграфска агенција (БТА), согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат по една вест, која ќе ја објават на својот интернет сајт без промени со изрично посочување и цитирање на партнерот како извор.

Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА.