Велес,11 февруари 2025 (МИА) - Завршена изградбата на фекална канализација во велешката населба Речани, со должина од 560 метри. Со оваа делница ќе се врши канализирање и на фекалните води кои преку цевковод дотекуваат од населбите Дурутовец и Чалошево, информираат од Општина Велес.

Од општината појаснуваат дека финансиските средства за изведба на оваа подземна инфраструктурна мрежа се обезбедени од Министерство за животна средина и просторно планирање.

-Решен е уште еден долгогодишен проблем во населба Речани.Со вакви и слични проекти за изградба на комуналната мрежа продолжуваме и во другите приградски населби и населени места во општината, соопштија од Општина Велес.ад/фф/

Фото: Општина Велес