Манчестер, 8 јануари 2026 (МИА) – Тренерот на Манчестер сити, Жозеп Гвардиола, ги искажа впечатоците за играта на неговиот тим на синоќешниот натпревар со Брајтон во 21-то коло од англиската Премиер лига.

„Граѓаните“ на домашен терен одиграа 1:1, ова е трето реми по ред за Сити во домашниот шампионат.

- Многу сум задоволен од тоа како игравме. Сити пропушти многу шанси. Постигнувањето голови е од суштинско значење, но ние не го направивме тоа. Не постигнавме втор гол. Тоа е сè. Понекогаш постигнуваш гол, понекогаш не. Мора да продолжиме да се обидуваме. Проблемот не е одбраната. Ни недостасуваат многу играчи. Ми се допаѓа начинот на кој играме. Играме на високо ниво, но реализацијата е слаба. Губиме бодови три натпревари во низа. Сега е потешко да се освои лигата, но ќе продолжиме да работиме, изјави Гвардиола за „Би-би-си“.

Манчестер сити има 43 бода и е втор на табелата во Премиер лигата, пет бода зад лидерот Арсенал. зс/

Фото: ЕПА