Лос Анџелес, 11 февруари 2025 (МИА) - Џек Шлосберг, внук на поранешниот американски претседател Џон Ф. Кенеди, беше гостин во емисијата „Блупринт“ (The Blueprint) на Џен Псаки. Тука, тој се осврна и на своите контроверзни објави на интернет, откривајќи дека сѐ тоа било дел од некаква „стратегија“.

- Мислам дека интернетот е тешко место за пробивање, особено ако не кажувате нешто контроверзно или, во најмала рака - донекаде неочекувано. Мислам дека демократите не ја играат таа игра така добро како што треба. Другата страна одлично ги шокира луѓето - а предизвикувањето реакција е половина од битката. Луѓето ќе пишуваат и ќе веруваат во секакви работи, рече Шлосберг.

Jack Schlossberg’s anti-restaurant tirade is the exact deranged himbo social cause JFK’s grandson should be doing. “My friends don’t like eating dinner. Most people in the world don’t spend their lives eating dinner.” Icon pic.twitter.com/XKk8JOX6Q5

— Russell (@RussellFalcon) July 4, 2023

Шлосберг, инаку комичар и гласен застапник на американската Демократска партија, по изборната година во САД призна дека ги измислил повеќето приказни што ги споделил на својот интернет-простор.

Имено, лани, внукот на Кенеди водеше активна кампања против републиканците, вклучително и против својот братучед Роберт Кенеди Помладиот, меѓу другото и со потсмевачки видеа, фотомонтажи и мемиња. По бурните контроверзии, Шлосберг во февруари годинава, ги избриша сите свои профили.

Поради разните негови испади, Шлосберг веќе е нарекуван „најголемиот срам за семејството Кенеди“ кај дел од Американците.

По победата на Трамп почна да објавува и посериозни работи. Така, и објавите против неговиот братучед републиканец станаа поостри. Поточно, пред да ги напушти социјалните мрежи, тој го повика своето семејство да го осуди Роберт Помладиот и сподели наводна изјава од својата мајка Керолин Кенеди против учеството на Роберт во Администрацијата на Трамп.

Во јавноста, сепак, сè уште има тврдења дека Шлосберг навистина има психички проблеми што не може да ги реши... Некои пак, велат дека само „неуспешно се обидува“ да биде духовит.  си/ссм/

Фото: Википедија