Uashington, 31 janar 2025 (MIA) - Presidenti amerikan Donald Tramp sot deklaroi se helikopteri ushtarak "Blek Hok" i cili dje u përplas me një aeroplan të "Amerikan erllajns" mbi Uashington, fluturonte shumë lart në momentin e incidentit.

Helikopterët ushtarakë amerikanë fluturojnë rregullisht në një rrugë të caktuar mbi lumin Potomak në afërsi të Aeroportit Kombëtar të Uashingtonit, Ronald Regan. Për arsye sigurie, lartësia e këtyre fluturimeve me helikopter është e kufizuar në rreth 60 metra.

"Helikopteri Blel Hok po fluturonte shumë lart, edhe atë shumë. Ishte shumë mbi kufirin prej 60 metrash. Kjo nuk është vërtet aq e komplikuar për t’u kuptuar, apo jo?”, ka shkruar Tramp në Truth Social. 

Drejtoria federale e transportit e SHBA-së vazhdon të hetojë aksidentin.

Deri më tani, më shumë se 40 trupa janë nxjerrë nga uji pas përplasjes. ls/