Uashington, 25 qershor 2024 (MIA) - SHBA punon urgjentisht në një marrëveshje diplomatike që do t'u mundësojë civilëve izraelit dhe libanez të kthehen në shtëpitë e tyre nga të dyja anët e kufirit, deklaroi sot sekretari amerikan i mbrojtjes Lojd Ostin, duke shtuar se lufta ndërmjet Izraelit dhe Hezbollahut do të ishte katastrofike.

"Provokimet e Hezbollahut kërcënohen për t'i tërhequr popujt izraelit dhe libanez në një luftë që nuk e duan. Një luftë e tillë do të ishte katastrofike për Libanin dhe do të ishte shkatërruese për civilët e pafajshëm izraelit dhe libanez", tha Ostin në fillim të takimit me homologun e tij izraelit Joav Galant në Pentagon.

"Diplomacia mbetet mënyra më e mirë për të parandaluar përshkallëzimin e mëtejshëm. Prandaj ne urgjentisht punojmë në një zgjidhje diplomatike që do ta kthejë paqen e përhershme përgjatë kufirit veriore të Izraelit dhe do t'u mundësojë civilëve të kthehen në shtëpitë e tyre të sigurt nga të dyja anët e kufirit izraelito-libanez", shtoi ministri amerikan i mbrojtjes. sa/