12:00/28 mars/2025

Shkup - Ministri i Punëve të Jashtme dhe Tregtisë së Jashtme, Timço Mucunski, në takime të ndara i priti ambasadoren e jashtëzakonshme dhe fuqiplotë të Kanadasë, me seli në Beograd, Mishel Kameron dhe ambasadorin e Mbretërisë së Bashkuar të Britanisë së Madhe dhe Irlandës Veriore, Methju Loson. Në takimin me ambasadoren Kameron, siç kumtoi sot Ministria, u cek bahkëpunimi i shkëlqyer mes dy vendeve në planin multilateral, posaçërisht në kuadër të NATO-s. Është biseduar për thellimin e bashkëpunimit bilateral me fokus në ekonominë, investimet dhe arsimit. Posaçërisht u cek nevoja për nxitje të investimeve kanadeze dhe mbështetje të nismave për zhvillim të tregtisë dhe sipërmarrësisë.

Shkup -  Pas inspektimit të jashtëzakonshëm më datë 24.03.2025, nga ana e Inspektoratit të Shtetëror të Mjedisit, është konstatuar se BULMAK 2016 SHPKNJP Probishtip filiali Miniera Toranica, Kriva Pallankë, sipas nenit 212-ë paragrafit (1) pikës 16, paragrafit (2) të Ligjit për Mjedisin, është kryer kundërvajtje e kategorisë së tretë me të cilën kryesi i lartpërmendur është dakorduar që të fillojë procedurën e negocimit në përputhje me Ligjin për Mjedisin para Komisionit për marrëveshje me Ministrinë e Mjedisit Jetësor dhe Planifikimit Hapësinor. Në fakt, sipas raportimit të BULMAK-ut në 14.03.2025, në periudhën nga ora 06:30 deri në ora 07:00, ka ndodhur një incident për shkak të plasjes së tubit përmes të cilit uji teknologjik sillet nga pastruesi i ujit të gropës në impiantin e flotacionit, ujë që nuk përmban kimikate sepse është kulluar para se të futet në impiantin e flotacionit dhe përmban vetëm papastërti mekanike, pra është i turbullt.

Shkup - Llogaritja verore e kohës fillon këtë fundjavë, natën e së shtunës në të dielën në orën 02:00 kur akrepat e orës do të zhvendosen një orë para dhe në vend të 02:00 do të jetë 03:00. Ndryshimi i orës në vendin tonë, si në shumicën e vendeve evropiane, ndodh dy herë në vit edhe atë: fundjavën e fundit të muajit mars kur fillon llogaritja verore dhe në fundjavën e fundit të tetorit kur fillon ora dimërore. Këtë vit, llogaritja verore do të zgjasë deri më 26 tetor në orën 3 të mëngjesit.

Shkup - Dy shoferë të cilët dje me veturë kanë goditur një këmbësor në Shkup, janë privuar nga liria, ndërsa vetura i është marrë. Siç njofton MPB, nëpunës policor Shkup e kanë privuar nga liria shkupjanin (I S.) pasi dje rreth orës 21.50 në Shkup, në udhëkryqin e rr „Adem Demaçi“ me rr.„Metodija Mitevski“, me automjetin e pasagjerëve „fiat“ me targa të Shkupit goditi këmbësorin А.А.(57) nga Shkupi. 

Kumanovë - Dallimet e papritura të temperaturave ndikojnë negativisht ndaj shëndetit të njeriut, ndërsa sipas mjekëve, preken edhe të sëmurët kronik, por edhe personat e aftë për punë, fëmijët, e madje edhe foshnjat, informuan sot mjekët nga spitali i përgjithshëm i Kumanovës. Goditjet e temperaturave më të shprehura janë në pranverë, se sa në vjeshtë, dnërsa më shumë i ndjejnë femrat se sa meshkujt, deklaroi dr. Nora Gospodinova - Nikollovska, specialiste e sëmundjeve interne në spitalin e përgjithshëm Kumanovë.

Tetovë - Komuna e Tetovës ka reduktuar borxhet e saj për nëntë milionë euro, respektivisht nga 24 milionë, tani shifra është 15 milionë euro, informoi kryetari i Komunës së Tetovës, Bilall Kasami në brifingun e djeshëm me gazetarë. Që kur mori detyrën, Kasami akuzoi ish kryetaren e komunës se ka lënë institucionin në borxhe prej 24 milionë euro. "Arritëm që të zvogëlojmë borxhin e Komunës së Tetovës si komunë me të gjitha institucionet e komunës për 9 milionë euro. Nga 24 milionë që u regjistruan në kohën kur unë kam marrë detyrën si kryetar komune, tani për momentin borxhi aktual i komunës duke përfshirë shkollat, kopshtet dhe ndërmarrjet komunale është 15.310,000 euro", thekson Kasami.

Shkup - Tërmet, epiqendra e të cilit rrjedh nga rajoni kufitar epiqendror Manastir - Lerin, në Republikën e Greqisë, 125 kilometra në jug të Shkupit, me manjitudë lokale të Rihterit ML3.4, është regjistruar sot në mëngjes në orën 06:04. Sipas të dhlnave të deritanishme me të cilat disponon Observatori  sizmologjik pranë Fakultetit natyror-matematikor në Shkup, tërmeti është ndjerë në Manastir dhe rrethinën e afërt me intensitet prej III ballë sipas Shkallës evropiane sizmologjike. 

Shkup - Më shumë reshje në 24 orët e fundit ka pasur në Pozhar, 42 litra në metër katror, ndërsa më pak në Pilep dhe Ohër, 12. Deri në shtatë të mëngjesit janë matur edhe 40 litra në njësinë në zonën e Demir Kapisë, 35 në Strumicë, 34 në Shtip dhe Gjurishtë, 31 në Kodrën e Diellit, 25 në Kriva Pallankë dhe Hanet e Mavrovës, 24 në Gjevgjeli, Vinicë dhe Pozhoran, 22 në Berovë dhe Llazaropole, 21 në Krushevë, 18 në Shkup Petrovec, 17 në Manastir, si dhe 15 në Topolçan. 

Paris - Presidenti ukrainas Volodimir Zelenski vlerësoi se samiti i djeshëm në mbështetje të Ukrainës në Paris ishte shumë "motivues" dhe tha se Ukraina nuk do të heqë dorë nga pavarësia e saj. "Mendoj se samiti ishte shumë motivues...Mendoj se dialogu im me liderët është motivues. Mendoj se të gjithë liderët janë plot energji. Mendoj se liderët nuk po na braktisin, por do të mbështesin Ukrainën. Ky është një sinjal i keq për (presidentin rus Vlladimir) Putinin", tha Zelenski në konferencën për mediat pas takimit të liderëve për të mbështetur Ukrainën dhe sigurinë në Evropë, raporton Interfaksi ukrainas.

Moskë - Presidenti rus, Vlladimir Putin mbrëmë tha se duhet të konsiderohet si opsion vendosja e Ukrainës, të cilën ai e sulmoi në vitin 2022, nën administratë të Kombeve të Bashkuara, në mënyrë që të mundësohet mbajtja e zgjedhjeve të reja në vend. "Praktika e tillë ekziston edhe në parim, kuptohet, mund të bisedohet  për mundësinë për administrim të KB-së me SHBA-në, vende evrooiane dhem kuotohetm partnerët dhe miqtë tanë", tha Putin gjatë takimit me ushtarët në nëndetësen bërthamore në bazën në Arhanhellsk.

Gazë - Hamasi është i gatshëm për negociata konkrete me qëllim për t’i dhënë fund luftës në Rripin e Gazës dhe pala palestineze i është qasur seriozisht të gjitha propozimeve që do të çonin në përfundimin e konfliktit, deklaroi dje Mahmud Mardavi, një përfaqësues zyrtar i grupit.“Izraeli është tërhequr nga marrëveshja, ka thyer premtimet e saj ndaj ndërmjetësve dhe ka vazhduar fushatën e vrasjeve dhe përshkallëzimit”, tha ai. Mardavi ka thënë se veprimet e Izraelit paraqesin test për komunitetin global, transmeton Anadollu.

Bangkok - Së paku një person e humbi jetën, ndërsa 50 të tjerë janë lënduar pasi që një shumëkatëshe në ndërtim u rrëzua në Bangkok pas tërmetit të fuqishëm që të premten e goditi Mjanmarin fqinj, kumtuan autoritetet tajlandeze. Shërbimet për raste urgjente paraprakisht kumtuan se 50 persona ndodheshin në ndërtesën që u rrëzua në parkun Çatuçak pas tërmetit që e goditi Mjanmarin, Tajlandë, ndërsa ihte ndjerë edhe në Kinën jugperëndimore. 

Nuk - Deputetët në Grenlandë dje u dakorduan për formim të qeverisë së re, duke u bashkuar në rezistencën ndaj përpjekjeve të presidentit amerikan, Donald Tramp që ta anektojë ishullin. Katër nga pesë partitë e zgjedhura në parlamentin e Grenlandës u dakorduan të formojnë koalicion i cili do të jetë 23 nga gjithsej 31 vende në shtëpinë ligjvënëse. Marrëveshja duhet të nënshkruhet sot, shkruan gazeta "Sermitsijak", duke iu referuar Jens-Frederik Nilsen, lider i demokratëve, partisë më të madhe në parlament. 

Uashington - Sekretari amerikan i shtetit, Marko Rubio, ka njoftuar se ka biseduar me ministrin e jashtëm turk Hakan Fidan të cilit ia ka shprehur shqetësimin për “paqëndrueshmërinë” që shihet në Turqi pas arrestimit të kryetarit të Stambollit, Ekrem Imamogllu. Rubio ka thënë se Turqia ka probleme të brendshme politike dhe Uashingtoni nuk do t'i komentojë ato. "I shohim të njëjtat raporte që të gjithë të tjerët i shohin për atë që po ndodh", u tha Rubio gazetarëve në aeroplan që kthehej nga udhëtimi në Karaibe.

Uashington – Qeverisja e Ukrainës përcaktohet nga Kushtetuta e saj dhe populli i vendit, deklaroi zëdhënësi i Këshillit të sigurisë kombëtare të Shtëpisë së Bardhë, duke komentuar deklaratat e presidentit rus, Vlladimir Putin i cili propozoi krijimin e një administrate të përkohshme në Ukrainë. Tani për tani nuk ka ndonjë koment nga Ukraina në lidhje me deklaratën e Putinit. Presidenti rus Vlladimir Putin mbrëmë tha se vendosja e Ukrainës, të cilën ai e pushtoi në vitin 2022, nën administrimin e Kombeve të Bashkuara duhet të konsiderohet si një opsion për të lejuar mbajtjen e zgjedhjeve të reja në vend.

Riad - Stefano Pioli së shpejti mund të kthehet në Seria A.  Sipas mediave italiane, ish trajneri i Milanit dhe trajneri aktual i Al-Nasr është një nga kandidatët për të marrë drejtimin e Romës. Sipas gazetarit Xhanluixhi Longari, Pioli nuk ka në plan të vazhdojë qëndrimin në Arabinë Saudite. Pavarësisht kontratës shumë të favorshme, italiani ka për synim të kërkojë një sfidë të re.