9:00/ 25 dhjetor/ 2025

Shkup - Kuvendi i Republikës së Maqedonisë së Veriut sot do ta mbajë seancën e 78-të me të vetmën pikë në rend të ditës parashtrimin e pyetjeve të deputetëve. Zakonisht, seanca të tilla plenare mbahen çdo të enjte të fundit të muajit.  Sipas Rregullores së Punës, pyetje për kryeministrin dhe ministrat parashtrojnë së parë deputetët nga opozita.  Sipas Rregullores së re të Punës, që nga 21 nëntori i vitit të kaluar, një herë në muaj mbahet edhe një seancë për pyetje të deputetëve nga deputetët e opozitës dhe zgjat dy orë.

Shkup - Pa periudha ekstreme afatgjata, por me valë episodike të ftohta do të jetë ky dimër, tregojnë parashikimet më të fundit sezonale klimatike për vendin. Temperatura mesatare e dimrit do të jetë mbi mesataren shumëvjeçare për rreth +1 gradë Celsius. Valë të ftohta me temperatura rreth ose nën vlerat normale pritet nga fundi i dhjetorit deri në mesin e janarit, si dhe nga fundi i muajit shkurt, por pa sinjale për të ftohtë dimëror afatgjatë apo ekstrem. Kthesa klimatike e përgatitur nga profesori Vlado Spiridonov, profesor i rregullt në Institutin e Fizikës pranë Fakultetit të Shkencave Natyrore dhe Matematikës në Shkup, dhe profesori Ivica Milevski nga Instituti i Gjeografisë pranë SHNM-së, tregon se na pret një dimër kryesisht i ndryshueshëm, i cili do të jetë mesatarisht i ngrohtë në krahasim me mesataren klimatike (1991–2020).

Shkup - Besimtarët e Kishës katolike romake dhe disa nga të krishterët ortodoksë të cilët udhëhiqen sipas kalendarit gregorian, sot festojnë Lindjen e Krishtit - Krishtlindjet. Tradicionalisht, në vend, festa qendrore me rastin e festës u mbajt në Kishën katolike "Zemra e Shenjtë e Jezusit" në Shkup, ku mbrëmë pati një liturgji të shenjtë të mesnatës së Krishtlindjeve. Me rastin e festës së Lindjes së Krishtit, ipeshkvi i Shkupit dhe Eparkia e Strumicës dhe Shkupit, Imzot dr. Kiro Stojanov dërgoi një urim për Krishtlindje deri te besimtarët e besimit katolik.

Shkup - Në sallën e gjyqit në Idrizovë pranë Gjykatës Themelore Penale në Shkup sot vazhdon gjykimi për zjarrin në diskoteken "Puls" në Koçan. Në seancën e sotme gjyqësore është planifikuar të mbahen fjalimet hyrëse nga mbrojtja e Aleksandar Nacev, i cili, sipas Prokurorisë, ka vepruar si pronar joformal, përkatësisht pronar real i agjencisë së sigurimit "Rubikon", kompanisë përgjegjëse për sigurinë e klubit, si dhe mbrojtja e të personave juridik të akuzuar "MMMM KAFE" SHPKNJ Koçan dhe "RUBIKON SEKJURITI SOLUSHËN".

Shkup– Në Kuvend sot mbledhje do të mbajnë pesë komisione – Komisioni për Mundësi të Barabarta të Grave dhe Burrave, Komisioni i Shëndetësisë, Komisioni për Financim dhe Buxhet, Komisioni për Sistem Politik dhe Marrëdhënie Ndërmjet Bashkësive dhe Komisioni Ligjvënës – Juridik. 

Shkup - Ulje të dukshmërisë për shkak të mjegullës deri në 40 metra ka në qafat malore Strazhë, deri në 30 metra në Pletvar, Presekë, Gjavatë dhe Mavrovë dhe deri 50 metra në Krushevë. Siç informojnë nga LAMM, qarkullimi në rrugët shtetërore po zhvillohet pa probleme, në rrugë të lagështa. Intensiteti i komunikacionit në rrugët jashtë zonave urbane është mesatare. Në vendkalimet kufitare në anën e Maqedonisë së Veriut, nuk ka vonesa më të gjata për hyrje dhe dalje nga vendi.

Shkup – Moti sot do të jetë i ndryshueshëm me vranësira me reshje të kohëpaskohshme lokale të shiut, veçanërisht paradite në pjesët lindore. Në male dhe në disa vende më të larta reshjet do të jenë të borës. Pasdite reshjet kudo do të ndalen. Do të fryjë erë e lehtë deri mesatare nga drejtimi verior.  Temperatura minimale do të lëvizë në interval prej 2 deri 6, ndërsa ajo maksimale do të lëvizë prej 3 deri 9 gradë.  Në Shkup, mot i vranët, paradite me reshje të kohëpaskohshme të shiut. Do të fryjë erë e lehtë deri mesatare nga drejtimi verior. Temperatura minimale do të bie deri në 3, ndërsa ajo maksimale do të arrijë deri 6 gradë. 

Uashington – Administrata e shtetit amerikan të Kalifornisë ka shpallur gjendje të jashtëzakonshme në Los Anxhelos dhe disa qarqe në pjesën jugore të shtetit për shkak të shirave të rrëmbyeshëm që shkaktuan përmbytje. Në pjesën jugore të Kalifornisë është shpallu niveli më i lartë i gatishmërisë për evakuimin e popullsisë. Në tre qytete në Qarkun e Los Anxhelosit u dha paralajmërim për tornado, por më vonë u hoq. Autoritetet paralajmëruan shoferët të shmangin rrugët kryesore për shkak të rrëshqitjeve të dheut.