15:00/ 29 mars/ 2025

Shkup - Në mënyrë transarente dhe të plotë të publikohet dokumentacioni lidhur me punën e diskotekës "Puls" në Koçan nga viti 2012 deri më sot, kërkon nisma "Kush e ka radhën", e cila sot organizon tubim para Kuvendit. Kërkesa i është dërguar Ministrisë së Punëve të Brendshme, Inspektoratit Shtetëror të Tregut, Ministrisë së Ekonomisë, Inspektoratit Ndërtimor Shtetëror, Inspektoratit Shtetëror për Urbanizëm, Drejtorisë për Mbrojtje dhe Shpëtim, Drejtorisë për të Ardhura Publike, Vetëqeverisjes Lokale në Koçan, Inspektoratit Ndërtimor Lokal dhe Organit Konsultativ për Siguri dhe Parandalim të formuar në Komunën e Koçanit.

Shkup - Inteligjenca artificiale është realitet, ajo është tashmë pjesë e jetës sonë dhe është e domosdoshme të dihen veglat që i ofron, sepse nga ajo do të varet gatishmëria e shoqërisë për t'u përshtatur me ndryshimet që sjell. Shoqata për IA në Suedi është zëri i njerëzve kundër IA në shoqëri. Ajo ka një ndikim të rëndësishëm dhe është përgjegjëse për sa i përket mbledhjes së reagimeve, informacioneve kthyese nga njerëzit dhe përdor rrjetin e saj për të ndikuar në Qeveri ose sektorin publik në mënyrë që të sjellë ndryshime ose përshtatje që janë të dëshiruara nga njerëzit, tha Reza Musavi, kreu i Asociacionit Reza Musavi, në intervistë për MIA-n. 

Shkup - Banka Botërore shprehu kënaqësinë për anëtarësimin e vendit në Zonën e vetme të pagesave në euro (SEPA) dhe me përpjekjet e bëra nga Banka Popullore për arritjen e këtij qëllimi. Anëtarësimi do të sjellë përfitime të shumta për ekonominë e përgjithshme, ku qytetarët dhe kompanitë do të përfitojnë më shumë. Për përfitime të mëtejshme, është e rëndësishme që vendi të bashkohet me projektin rajonal të pagesave të menjëhershme të udhëhequr nga Banka Qendrore e Italisë dhe që është pjesë e Planit të Rritjes së Ballkanit Perëndimor të Bashkimit Evropian.

Shkup - Llogaritja verore e kohës fillon sonte në orën 02:00 kur akrepat e orës do të lëvizin një orë përpara dhe në vend të 02:00 do të jetë 03:00. Ndryshimi i orës në vendin tonë, si dhe në shumicën e vendeve evropiane, ndodh dy herë në vit: në fundjavën e fundit të muajit mars kur fillon llogaritja verore e kohës dhe në fundjavën e fundit të tetorit kur fillon llogaritja dimërore e kohës.

 Shkup - Me orarin veror të fluturimeve që hyn në fuqi në mesnatë, 16 linja ajrore do të fluturojnë nga Aeroporti i Shkupit në 47 destinacione të rregullta, ndërsa tre do të kryejnë 10 fluturime çarter. Më 2 prill, “Izixhet” do të nisë fluturimet për në Aeroportin Ndërkombëtar të Shkupit nga Aeroporti Orli në Paris, dhe nga 3 maji Uizer do të nisë fluturimet nga Barcelona dhe Lioni. Nga Aeroporti i Ohrit, gjashtë linja ajrore do të fluturojnë në shtatë linja të rregullta, si dhe do të ketë një fluturim çarter nga Mançesteri. Për MIA-n nga TAV Maqedoni thanë se kanë shumë lajme për udhëtarët me orarin veror të fluturimeve.

Shkup - Vazhdon periudha e motit me vranësira të ndryshueshme dhe i paqëndrueshëm me reshje të kohëpaskohshme të shiut, sidomos në orët e pasditës. Lokalisht do të krijohen kushte për shfaqjen e stuhive afatshkurtra me reshje më të dendura. Në një kohë të shkurtër priten reshje shiu mbi 15 litra në metër katror, do të ketë bubullima dhe erë të fortë. Siç bëri të ditur DPHM, temperatura maksimale sot do të jetë në interval prej 12 deri në 18 gradë. Në Shkup do të mbajë mot me vranësira të ndryshueshme me reshje të kohëpaskohshme shiu. Pasdite në disa pjesë të luginës moti do të jetë i paqëndrueshëm me reshje të rrëmbyeshme shiu, bubullima dhe erë të fortë.

Shkup - Dje rreth orës 15:00 policia ka arrestuar O.S. (18) nga Kumanova, M.A.(54) nga Koçani, E.M.(25) nga Vinica, Xh.A. (34) nga Vinica dhe S.M. (38) nga Koçani. Ata u gjetën në automjetin e pasagjerëve Mercedes me targa të Vinicës, në pronësi të Xh.A. nga Vinica, dhe gjatë bastisjes tek ata, te S.M. u gjet dhe u sekuestrua një materie pluhur ngjyrë kafe dhe marihuanë. Siç njoftoi sot MPB, me urdhër të gjykatës është kryer bastisje edhe në banesën e tij, gjatë së cilës u gjet dhe sekuestrua një peshore dixhitale dhe sende të tjera që dyshohet se rrjedhin nga vepra penale.

Tiranë  - Qeveria italiane ka miratuar një dekret të ri që lejon transferimin e emigrantëve të parregullt nga qendrat e ndalimit në Itali drejt qendrave të pritjes në Shqipëri. "Sipas mediave italiane ky vendim mbështetet në një boshllëk ligjor si në legjislacionin italian, ashtu edhe në rregulloret europiane mbi emigracionin dhe që mund të lejojë përdorimin e qendrave të emigrantëve në Shqipëri, të cilat kanë mbetur bosh", publikuan mediat shqiptare.

Kiev - Presidenti ukrainas Volodimir Zelenski tha mbrëmë se Kievi nuk do të pranojë asnjë marrëveshje për mineralet e rralla, që do të rrezikonte integrimin në Bashkimin Evropian, duke shtuar se është shumë herët për të nxjerrë një përfundim për "marrëveshjen e zgjeruar në mënyrë dramatike" të propozuar nga SHBA. Sipas tij, teksti është "krejtësisht i ndryshëm" nga draft-marrëveshja e mëparshme, e cila supozohej të nënshkruhej me presidentin amerikan Donald Tramp para negociatave të muajit të kaluar, të cilat u përshkallëzuan në një përplasje verbale.

 Konakri - Hunta në pushtet në Guinea e ka falur ish-presidentin Musa Dadis Kamara, i cili u dënua me 20 vjet burg për masakrën e stadiumit në vitin 2009, në të cilën u vranë të paktën 157 persona dhe dhjetëra gra u përdhunuan. Kamara u dënua në korrik të vitit 2024 për përgjegjësi komanduese. Ai u shpall fajtor për krime kundër njerëzimit.

Uashington - Tërmeti me magnitudë prej 7.7 ballë që goditi Mjanmarin dje, lëshoi ​​energji ekuivalente me 334 bomba atomike, tha për Si-En-En gjeologia Xhes Feniks. Ajo shtoi se pasgoditjet mund të zgjasin me muaj pasi pllaka tektonike indiane vazhdon të zbresë nën pllakën euroaziatike në rajonin e Mjanmarit.

Uashington - Presidenti i SHBA-së, Donald Tramp, mbrëmë paralajmëroi Iranin se "gjërat do të shkojnë keq" nëse nuk arrihet një marrëveshje bërthamore. Paralajmërimi i tij erdhi një ditë pasi Teherani njoftoi se i ishte përgjigjur letrës së tij, duke bërë thirrje për negociata. "Supozoj … të arrij një marrëveshje me Iranin. Por nëse nuk mund të bëjmë një marrëveshje, gjërat do të shkojnë keq për Iranin", tha Tramp. Shefi i diplomacisë së Iranit, Abas Aragçi tha se Teherani i është përgjigjur letrës së Trampit, pa e bërë të ditur përmbajtjen e saj.

Uashington - Administrata e presidentit amerikan Donald Tramp mbrëmë konfirmoi shpërbërjen de fakto të Agjencisë së Shteteve të Bashkuara për Zhvillim Ndërkombëtar (USAID) si pjesë e reduktimit drastik të ndihmës së huaj amerikane, vendim ky që është kritikuar në shumë vende dhe nga një numër i madh i organizatave humanitare. "Departamenti i Shtetit dhe USAID-i kanë njoftuar Kongresin për qëllimin e tyre për të ndërmarrë një riorganizim, i cili do të përfshijë transferimin e disa funksioneve nga USAID në Departamentin e Shtetit deri më 1 korrik 2025 dhe eliminimin e funksioneve të tjera të USAID-it që nuk janë në përputhje me prioritetet e administratës, tha Sekretari i Shtetit Marko Rubio.

 Nju-Delhi - Forcat indiane të sigurisë kanë eliminuar të paktën 16 rebelë maoistë në një përleshje me armë në shtetin qendror të Çatisgarit. Rebelët e ekstremit të majtë kanë zhvilluar një luftë guerile kundër qeverisë për dekada, veçanërisht në Indinë qendrore dhe lindore, duke çuar në luftime intensive dhe viktima nga të dyja palët. 

Najpido - Numri i të vdekurve në Mjanmar pas tërmetit të madh të djeshëm me magnitudë prej 7,7 ballë të shkallës Rihter është rritur në 1002, ndërsa 2376 persona janë lënduar dhe 30 udhëhiqen të zhdukur, njoftuan sot mediat shtetërore. "Janë dëmtuar objektet infrastrukturore si rrugë, ura dhe ndërtesa, që rezultoi me viktima civilë dhe të lënduar. Në vijim janë operacionet për kërkim dhe shpëtim në zonat e goditura, citohet në kumtesën e juntës.