09:00 / 16 shkurt / 2026

Shkup – Këshilli i Prokurorëve publikë nesër do të mbajë seancën e 38-të, ku në rendin e ditës është vetëm një pikë- dhënia e mendimit të Qeverisë së Republikës së Maqedonisë së Veriut për propozimin për emërimin e prokurorit publik të Republikës së Maqedonisë së Veriut. Këshilli i Prokurorëve publikë, në përputhje me afatet ligjore, duhet t'i japë Qeverisë mendim pozitiv ose negativ brenda 15 ditëve, pas së cilës Qeveria i propozon Kuvendit njërin nga kandidatët që kanë marrë mendim pozitiv.

Shkup – Sot në Kuvend po mbahen disa aktivitete dhe trupa punuese parlamentare. Kryetari i Kuvendit, Afrim Gashi, do të mbajë konferencë joformale javore me gazetarët, ndërsa anëtarët e Komisionit për bujqësi, pylltari dhe ekonomi të ujërave do ta shqyrtojnë propozim- ligjin për prodhimin organik bujqësor në lexim të parë. Në Sallën “Boris Trajkovski” do të mbahet debati publik për raportin përfundimtar të Entit Shtetëror të Revizionit mbi revizion e performancës me temën “Mundësia e përdorimit të inteligjencës artificiale në sektorin publik”. Në debat, siç njofton Pres shërbimi i Kuvendit, fjalim hyrës do të mbajnë ministri i Transformimit Digjital, Stefan Andonovski dhe kryerevizori shtetëror, Maksim Acevski.

Shkup - Ministria e Arsimit dhe Shkencës nga sot fillon me vizitat në universitetet në vend në kuadër të debatit publik për Ligjin për Arsim të Lartë. Siç paralajmëroi Ministrja e Arsimit dhe Shkencës Vesna Janevska, MASH do të mbajë takim me të gjithë profesorët që dëshirojnë të marrin pjesë në debatin publik, ku do të diskutohen nenet kontestueshme.

Budapest - Sekretari amerikan i shtetit, Marko Rubio, pritet të takohet sot në Budapest me kryeministrin e Hungarisë, Viktor Orban. Sipas Departamentit amerikan të shtetit, vizita e shkurtër e Rubios në Budapest do të fokusohet në partneritetin energjetik midis dy vendeve. Hungaria pothuajse gjithë gazin e saj natyror e furnizon nga Rusia. Uashingtoni po i bën presion Hungarisë që të blejë gazin natyror të lëngshëm amerikan në shkallë të gjerë në të ardhmen.

Pragë - Qindra qytete dhe komuna në të gjithë Çekin, përfshirë dhe Ostravën, Olomoucin dhe Brnon, dje mbajtën demonstrata në mbështetje të presidentit Petr Pavel në mosmarrëveshjen e tij me koalicionin qeveritar. Tubimet u iniciuan nga lëvizja civile "Një milion momente për demokracinë". Përveç mbështetësve me flamuj dhe pankarta, në Ostravë u mblodhën edhe kundërshtarë të presidentit çek, ndërsa në disa vende, përveç duartrokitjeve, u dëgjuan edhe fishkëllima, publikoi Radio Praga.

Uashington - I dërguari i posaçëm Stiv Uitkof dhe dhëndri i presidentit amerikan Donald Tramp, Xhared Kushner, do të vizitojnë Gjenevën këtë javë për të diskutuar për programin bërthamor të Teheranit me negociatorët iranianë, konfirmoi sot Shtëpia e Bardhë. Një zyrtar amerikan ka konfirmuar se dy deputetët, të cilët janë negociatorët kryesorë të Donald Trampit me Iranin, do të përfaqësojnë Uashingtonin gjatë bisedimeve. Ministri iranian, Abas Aragçi, do të përfaqësojë Teheranin, njoftoi më parë ministria e tij. Ai do të takohet gjithashtu me homologët e tij zviceranë dhe omanë, si dhe me drejtorin e përgjithshëm të Agjencisë Ndërkombëtare të Energjisë Bërthamore.