Shkup, 12 dhjetor 2025 (MIA) - E përshëndesim vendimin e Qeverisë për 5 për qind TVSH gjatë shitjes së parë të hapësirës banesore. Kjo i tregon përpjekjet pozitive të sektorit të biznesit dhe LOEM-së të prezantuar përmes Odës Ndërtimore në bashkëpunim me Ministrinë e Financave dhe Qeverinë, thonë nga Lidhja e Odave Ekonomike të Maqedonisë (LOEM).

LOEM beson se vendimi i shtetit për të mbajtur normën për shitjen e parë të banesave të sapondërtuara të mbetet 5 për qind është vendim i arsyeshëm i Ministrisë për vazhdimin e vlerës së normës preferenciale prej 5 për qind të TVSH-së.

"Besojmë se me vazhdimin e tij interes më të madh do të kenë blerësit e njësive banesore, përkatësisht popullata", thonë nga LOEM.

Ivica Jakimoviq, anëtar i Bordit Drejtues pranë LOEM-së theksoi se me vazhdimin e tatimit për blerjen e banesave në 5 për qind duke filluar nga viti 2026, pritet që sektori i patundshmërive të marrë një impuls të ri.

"Kjo normë më e autorizuar e TVSH-së ka për qëllim ta mbështesë qasjen e qytetarëve për banim, të stimulojë aktivitetin ndërtimor dhe ta përforcojë stabilitetin e tregut. Implementimi i normës tatimore prej 5 për qind sjell disa privilegje të rëndësishme edhe për blerësit edhe për industrinë. Ulja e normës tatimore dukshëm i zvogëlon shpenzimet e përgjithshme për blerje të banesës, duke e bërë pronësinë e shtëpisë më të qasshme për popullatën më të gjerë", thekson Jakimovski.

Pritet, shton ai, që përballueshmëria e krijuar nga tatimi prej 5 për qind ta rrisë kërkesën për banesa të reja dhe ekzistuese, që sërish mund t'i nxisë sektorët ndërtimor dhe të patundshmërive.

"Me një mjedis tatimor më të favorshëm, investitorët vendas dhe të huaj mund të tregojnë interes në rritje në tregun e banesave, gjë që do të kontribuojë në rritjen ekonomike", theksojnë nga LOEM. sa/

Foto: MIA arkivi