Tel Aviv, 1 shkurt 2025 (MIA) - Grupi palestinez Hamasi i ka dorëzuar dy pengje izraelite Kryqit të Kuq në Kan Junis të Gazës, ndërsa i treti pritet të lirohet gjatë ditës në një lokacion tjetër.

Armata izraelite tha se kishte marrë informacion nga Kryqi i Kuq se Hamasi kishte dorëzuar pengjet Jarden Bibas dhe Ofer Kalderon.

"Tajms of Izrael" raportoi se Kryqi i Kuq tani pengjet duhet t'i sjellë te pjesëtarët e IDF-së dhe forcat e Shin Bet në Rripin e Gazës dhe më pas t'i përcjellë të dy nga enklava palestineze.

Një zyrtar izraelit i sigurisë tha sot për mediat izraelite se lirimi i tre pengjeve izraelitë pritet të fillojë në orën 8:30 të mëngjesit sipas orës lokale.

Tre pengjet që do të lirojë Hamasi janë Ofer Kalderon (54), Kit Sigel (65) dhe Jarden Bibas (35), shkruan "Tajms of Izrael". sa/

foto: Skrinshot Jutjub