Shkup, 12 dhjetor 2025 (MIA) - Kryetari i Qytetit të Shkupit, Orce Gjorgjievski informoi se sot fillon furnizimi publik për projektimin dhe montimin e Luna parkut të ri. 

Siç theksohet në njoftimin e Qytetit të Shkupit, me fillimin e furnizimit publik për projektimin dhe montimin, qyteti hyn në një fazë të re të transformimit urban që do të ofrojë atraksione moderne, qasje të plotë dhe përmbajtje të reja për të gjitha gjeneratat.

Gjorgjievski thekson se rrota e panoramës, një anije piratë, një nëndetëse, luhatëse dhe shumë elementë të tjerë do të krijojnë një atmosferë unike që do të pasurojë imazhin turistik të Shkupit. Në këtë hapësirë prej 84.000 metra katrorë, siç nënvizon kryetari, do të shfaqet një vend ku familjet do të kalojnë kohë cilësore së bashku, ku do të ketë zona për pushim, art rrugor, hapësira për ngjarje kulturore dhe teatër me skenë të mbyllur.

"Më në fund, Shkupi do ta ketë një Luna park! Të dashur qytetarë të Shkupit, me kënaqësi të veçantë dua t’ju informoj se pas viteve të tërheqjeve dhe premtimeve të rreme, sot fillon furnizimi publik për projektimin dhe ndërtimin e Luna parkut të ri. Pas dekadash të kaluara, në të cilat breza të tërë fëmijësh u privuan nga vendi që u takon, një vend për të luajtur, gëzim dhe momente të paharrueshme, më në fund po fillojmë realizimin e një projekti që do të shënojë një epokë të re të argëtimit familjar në qytetin tonë. Para nesh është ndërtimi i një Luna parku ultra modern, një nga më të mirët në rajon, i ndërtuar sipas standardeve më të larta evropiane. Do të krijojmë një hapësirë të mbushur me rollerkostere, atraksione ujore, lojëra interaktive, zona me realitet virtual dhe një nivel të ri të argëtimit urban", tha ai. 

Kryetari i Qytetit thekson se Luna parku do të jetë plotësisht i përshtatur edhe për personat me aftësi të kufizuara, me sisteme më të avancuara të sigurisë, video-mbikëqyrje dhe ndihmë të parë. qa/

Foto: Qyteti i Shkupit