Moskë, 22 nëntor 2025 (MIA) - Kirill Dmitriev, përfaqësuesi special i presidentit rus Vladimir Putin për investime, dje deklaroi se plani i SHBA-së për t'i dhënë fund luftës në Ukrainë synon të parandalojë më shumë vdekje dhe humbje territoriale për Ukrainën.

Disa burime u thanë mediave se plani i SHBA-së për t'i dhënë fund luftës katërvjeçare në Ukrainë është rezultat i bisedimeve prapa skenës midis Dmitriev dhe Stiv Uitkof përfaqësuesi special i presidentit amerikan, Donald Tramp.

“Për shkak të propagandës së përfituesve të luftës, shumë njerëz nuk e kuptojnë se plani i paqes i Trampit është hartuar për të shpëtuar Ukrainën nga humbja e edhe më shumë tokës dhe jetëve”, shkroi Dmitriev në gjuhën angleze në platformën "X". “Shikoni me kujdes ata që sulmojnë planin e paqes - dhe si përfitojnë ata nga lufta e pafundme”, shtoi ai.

Dmitriev, i cili drejton fondin sovran të pasurisë së Rusisë, ka udhëtuar disa herë në Shtetet e Bashkuara për të forcuar lidhjet me përfaqësuesit e administratës Tramp.

Një zyrtar i lartë amerikan mohoi raportet nga dy burime të tjera të paidentifikuara se Uashingtoni ka kërcënuar se do të ndërpresë shkëmbimin e informacioneve të intelegjencës he furnizimet me armë për Ukrainën nëse Kievi nuk e pranon planin. Ai tha se është e pasaktë të thuash se SHBA-ja është kërcënuar se do të ndërpresë shkëmbimin e informacioneve. ls/ 

Foto: EPA