Киев, 13 септември 2025 (МИА) – Украинските сили за противвоздушна одбрана неутрализирале 137 од 164 дрона со кои Русија синоќа ја нападнала Украина, јавија локалните медиуми.

Украинските воздухопловни сили соопштија дека нападот почнал вчера во 20:00 часот, кога Русија лансирала балистички проектил Искандер-М и 164 беспилотни летала.

Воздушниот напад бил одбиен од авијацијата, ракетните единици, групите за електронско војување, неименувани системски единици и мобилни групи на украинските одбранбени сили.

Вкупно 137 дрона биле соборени или неутрализирани над Северна, Јужна, Источна и Централна Украина. јт/

Фото: Министерство за одбрана на Украина на Х