Скопје, 23 јуни 2021 (МИА) - Поради неовластено производство и пуштање во промет на наркотична дрога, Основното јавно обвиителство Гостивар поднесе Обвинителен акт против три лица, како соизвршители, кои од непознато лице на 10 мај во тетовското село Камењане набавиле наркотична дрога хероин со намера да ја препродадат на уживатели во Гостивар и околината. Од Обвинителството информираат дека кај Врапчишка петља возилот било забележано од полициски службеници, кои го запреле и пребарувајќи пронашле 4,4 грама хероин. Тројцата обвинети се товарат за кривично дело – Неовластено производство и пуштање во промет на наркотични дроги, психотропни супстанции и прекурсори според член 215 став 1 во врска со член 22 од Кривичниот законик а, како што информираат од ОЈО, надлежниот јавен обвинител до Основниот суд Гостивар доставил и предлог за продолжување на претходно определените мерки притвор за обвинетите лица.​​ ар/сп/