• четврток, 16 мај 2024

Судир на два воза во Австрија, по што избувна и пожар

Судир на два воза во Австрија, по што избувна и пожар

Виена, 20 јануари 2023 (МИА) - Рано изутринава во Австрија се случи железничка несреќа, откако се судрија два товарни воза.

Несреќата се случила утрово во 4 часот и 23 минути во реонот на станицата Фурниц, кај Вилах.

Еден од товарните возови влечел цистерна натоварена со лесно запалив керозин, што предизвикало пожар на неколку вагони, кој е под контрола на пожарникарите.

Од еден вагон истекоа 64.000 литри керозин, па експертите се на терен да преземат соодветни мерки.

И двајцата машиновозачи се спасени и со полесни повреди се пренесени во болница, јавуваат австриските медиуми.

Локалните и меѓуградските возови ќе бидат пренасочени, а постојките Фирниц и Нојхаус/Гајл нема да сообраќаат. ссм/

фото: ЕПА архива

Остани поврзан